.

تحذير : هذه المدونة تخضع لقانون حماية حقوق الملكية الفكرية ونحذر من نشر أو نقل أي نص أو مقال للكاتبة.. دون نسبه للمؤلفة.. في أي وسيلة

13.11.07

قصيدة بلا عنوان


هو حوار عذب الكلمات مع مدون ذو حرف رائع وتدفق مبهر من الكلمات حرك فينى روح التحدي وبناءا على طلبي قبل التحدي

أتمنى إن الكلام يعجبكم


:)



طائر بلا وطن .......والزين




تقول الزين


طلبتك لا تناظرني بعيونك انا ماقدر احدد فيهم احساسي
ينمون عن علومي واخبار قلبك الجاسي
تبي تسال وش اخباري
ومن اللي باح باسراري هم عيوني .... فضحوا وجدي وضعفوا قوتى وباسي




يقول طائر


وين أصد عن عينك وأنا أشوفك في كل الناس

و أنا أحسك في كل لحظة وأنفاسك هي أنفاسي
عيونــك افضحوا وجــدك و وجدك ملا لي كاس
و أنا قلبي فدا قلبك و أشربه كاسك و كاسي
/
/
حبيبي تبي تعرف وش أخباري؟

وش اللي عنه أداري؟

في عينك آخر أخباري وكل سر(ن) من أسراي

ترى عينك غدت داري

غدت هي جنتي و ناري

غدت عندي ترى كل شي

وغدت في عيون كل الناس




تقول الزين


الا ياكاس الهوى تسكرني في لحظة كنت أنا واعي
وكلام العشق يدورني يغنينى عن شراعي
*ويعطيني هواك ديره
لدنيا مالها مرسى
الا يا كاس تعال علمني وش علومه
وبفراقه يضيق صدري وما لومه
ويصير ليلي بليا ضي
وشموسي بليا في
الا ياكاس اعذرني إذا قلت لك ما تروي
عطش يومي
أبي أكثر... أبي حلمي أنا يكبر
تصب يا كاس وما تقدرترد لي شوي من يوفي




يقول طائر

مركب هوى و شراع و موية بحر
و أحلام تبي مرسى و يطول السفر
و يزيد الحمل و يشح فينا الأمل
و قلوبنا تتعب ما عاد فيها عالصبر
مركبنا وهن و موجنا ماهو حنون
و شراعنا يشقي و الريح في لحظة تخون
نجم(ن) طفا
ما عاد شي(ن) به وفا
حتى "تهـون"
كل ما قلناها .. نهون


دونك حبيبي كاس الهوى يضمي
و تنبت صحاري و يذبل داخلي حلمي
و تجف الروح
و تزيد فيها جروح
و غيمتي تجفا
و إنت بعيد مو يمي

أقبل حبيبي
عنْك الفــرح يســأل
بتشرق شمسنا و بدر الـمسـا يكمَل
و يتفتح زهر و تغني عصافير الشجر
و بتضحك حيـاة
مِنها ضحكتك أجمَل




تقول الزين

أجسي وأنا الولهان
وأكتب قصيدة تنكر العنوان
أطلبك تبعد وبفراقك أنا شقيان
قلبي لك وطن وأنفي بقلبي كل الأوطان

مركبنا طبع وديرتنا* بلا ربان

وخرابنا عاصي وسننا خوان
ونجومنا ما هي دليل
في بحر غادر والوفا عنده جليل
حمل وفساد وبعده بخيل

بقربك حبيبي كاس الهوى يشقى
دروبنا صحرى وغيوم صيف ما تروي
وهم زرعته واليوم احصده مبطي
وتجف روحك وأنا بجروحي لها أروي

ابعد حبيبي
ماعاد للفرح بيننا مطرح
شمسنا غابت وبدرنا بعتمته ينضح
وزهرنا شوك (ن) وين(ن) مسكته لابد يدمى ويجرح
وطيورنا غابت و ماعاد للخضار مطرح
بموت ضحكتك ما عادت الحياة تشرح

ارحل حبيبي دام الحلم بأوله
خوفي أنا توعى وتكسر خفوقي وما تمهله


ارحل حبيبي


الديرة -ديرتنا : المقصود فيهم البوصلة بالنص*


شكرا طائر لسعة صدرك و لإتاحة الفرصة لي بأن اكون على مستوى الحوار معك

هناك 60 تعليقًا:

lawyer يقول...

روووووووووووووعه الزين

رووووووووووووعه

بقولج شي قبل سنتين كنت اقول حق الطائر
و انا ووحده سعوديه الله يذكرها بالخير كان اسمها سعلوة

كنت اصبح في قصائدالطائر و اقوله

الله يسااااااااااامحك كتاباتك اتحسسني ان موووووووووووو انثى و لا مررررررررررة من رررررررررقه و عذب احسااااااااااااسك

الطائر كله احسااااااااس و مشاعر


و انتي بعد وصفج لتفاصيل عجيبه
اتحسسنااااااا ان احنا وياج


انا سسسسسسسسسسسسكرت من كاس الهوى

يا الزين

طائر بلا وطن يقول...

كانت محاولة و اجتهاد

و تبقى حقيقة انك
أجمل مني بكثير .. بكثير جدا
:)


و أدري لا غالب و لا مغلوب

بس غلبتيني يا الزين


:

لوير

مشكورة وايد يا فاطمة
و الإحساس بالقلب مو بالكلام
و انتي قلبك كبير
:)

لي الحين ذاكرة ذيك الأيام
:p



مشكورين وااايد
وايد

Kuw_Son يقول...

استمتعت بقراءة المساجلة الشعرية الجميلة .. كلمات و احساس و لا أروع ..

charisma يقول...

تصفيييق
حااار
حاااار لج ولطائر

ابدعتاااو
حداااااااا وااااااو

استمتعت بكل كلمه
منج ومنه

حبيبي تبي تعرف وش أخباري؟


وش اللي عنه أداري؟


في عينك آخر أخباري وكل سر(ن) من أسراي


ترى عينك غدت داري


غدت هي جنتي و ناري


غدت عندي ترى كل شي


وغدت في عيون كل الناس


ااخ من العيوون اهى العيون
كل القصص والحكايات تطلع منها
لو مهما تكتمين

لانى احب العيون ولغه العيون فهالمقطع كان عجيب

تسلمون اثنينكم
:)

الزين
:**

khaled يقول...

جميلة في كل معانية

Najmah يقول...

رووعة رووووووعة

بكل معنى الكلمة

استمعت حيل

ومابعد كلامكم كلام

الوجد يقول...

ابدااااااع


كثير شاكرة لكم امتاعنا


بهذه الكلمات الرائعه

esTeKaNa يقول...

اقرا البوست وابتسامتي تعلن عن فرحتي فيه،بهذا الابداع اللامتناهي
سعيده
فخورة فيكما
فذاك الطائر المبدع
زميلي واخوي الراقي
الرائع
المتفنن في نثر احساسه وكلماته
وتلك هي الزين...مفرطة الرومانسيه والاحساس في كل كلمة

البوست من ارقى ...بل يكاد يكون الارقى مما قرأت
شكرا يا طائر
وشكرا يا الزين
على امتاعنا بهذا البوست الخطير جدا
في الوقت المناسب طبعا
:)

esTeKaNa يقول...

اقرا البوست وابتسامتي تعلن عن فرحتي فيه،بهذا الابداع اللامتناهي
سعيده
فخورة فيكما
فذاك الطائر المبدع
زميلي واخوي الراقي
الرائع
المتفنن في نثر احساسه وكلماته
وتلك هي الزين...مفرطة الرومانسيه والاحساس في كل كلمة

البوست من ارقى ...بل يكاد يكون الارقى مما قرأت
شكرا يا طائر
وشكرا يا الزين
على امتاعنا بهذا البوست الخطير جدا
في الوقت المناسب طبعا
:)

فريج سعود يقول...

الله يهداج ما لقيتي الا تسمينها مساجلة شعرية جان دورتي لها اسم ثاني او حتى نك نيم
ذكرتيني بدوانية العبط

Selezya يقول...

وااو
وصحح لسانكم

عجييبه كلماتكم

أبدعتو

U_SF يقول...

قدها وأكبر منها يالزين : )

كلامج رااااائع مشالله عليج وقد التحدي

صح لسانج وقوّاج الله ^_^

ZoZOta يقول...

lawyer

:)

ولأنه كله احساس ومشاعر هذا اللي شجعنى هلى كتابة هالحوار

كنت ادري انه بيطلع مو طبيعى :)

وخلينى اشكره للمرة الثانية لإتاحة الفرصة لي بأنى اكوي على مستوى الحوار مع مدون مخضرم مثله

واشكرج انتى بعد على متابعتج لي

:*

ZoZOta يقول...

طئر بلا وطن

تبقى حقيقة انك لوهلة منحتنى هذا الجمال بردودك المبدعه واللي اثارت فينى حبي للكتابة وخلتنى اكتب بهالمستوي

غالب ومغلوب؟؟؟

نوووووووو ابدا

اهم شي بالموضوع كله انسجام الكلام والإحساس من الطرفين

ماكان الهدف هزيمة او نصر يا طائر

مشكور

مشكور

مشكور

ZoZOta يقول...

كويت سن

الله يسلمك هذا من ذوقك
مشكور على المرور والمتابعه الدائمه

:)

ZoZOta يقول...

كاريزما

كثر ما تصفيقج حار وصلنى دفاه كرووووز


اهم شي انج استمتعى هذا اهو الهدف


والمقطع اللي اخترتيه جدا رائع ومافينا الا ان نقول

هذا طائر وهذي سوالفه

نكهته غير صح

:)

ZoZOta يقول...

خالد

من طول الغيبات

ففقدتك يا خوي

وين كنت مختفي؟؟؟

ZoZOta يقول...

نجمة

وما بعد وجودج حجي

:**

ZoZOta يقول...

الوجد

مقلة بمرورج بس هم ما عليه

اهم شي انج بالنهاية تمرين وتسألين

:*

يعطيج العافية

ZoZOta يقول...

استكانه

:))

دبل كومنت

دليل على اعجابج الشديد بالحوار الشعري

شفتى شلون اختياراتى موفقة بالناس اللي اشاركهم جزء بسيط من كلامي

طبعا كان لي نفس التجربةمن قبل مع حسين

وكانت تجربةرائعه

واليوم تجربة مختلفة مع طائر

تجربة افتخر فيها

واقدر اقول انى نجحت والفضل طبعا يرجع له

تشجيعه لي ماكان شوية

انتى اللي مشكوره علي الكومنت

مرتين

:**

ZoZOta يقول...

فريج سعود

:)

الحين انا عرفت انت من اي نوع

يعنى ما لقيت شي تذكرة بالكومنت عن النص وعن الكلام اللي انكتب الا الشي اللي تشوفه عيب فيه

الكلام الطيب تري يطيب الخاطر ياخوي

ويخلى السامع يحطك على راسه

ايه بعتب عليك

وبشره

لأنى توقعت منك تعليق مختلف

وانت كيفك عاد

ZoZOta يقول...

سيليزيا

واااو عليج

:**

حلو الكلام صح؟؟

:)))

والله ادري

ZoZOta يقول...

يوسف

ياااا فرحتى

قدها واكبر منها ...ومن منو؟؟

منك انت يا يوسف

ترى وايد تفرق وياي

وما ابي اقلل من دور طائر بالموضوع

لولا ردوده ماكان الكلام بهالروعه

انا اعده انجاز مشترك بينا

والفضل يعود له فيه

ووجودك اليوم هنيه عندي بمدونتى يبيله قهوة مهيلة

:)

مشكور يوسف

khaled يقول...

وين كنت مختفي؟؟؟

والله كنت مسوي عملية
ولازلت طريح الفراش
بس متابع :)

ZoZOta يقول...

والله

لا ماتشوف شر يالشيخ

والله فقدتك من غير شر

اجر وعافية

بس ان شاء الله الحين احسن؟

بـابـل يقول...

مساء الورد

ماشاء الله حوار يشبه الحوار بين آلتين موسيقيتين

قصيدة روعه وكلام مو مألوف

شكرا لج الزين وشكرا لك طائر

وأنشاء الله القادم أحلى وأحلى


وبس



بابل

MKSARAT SAYED SAAD يقول...

زوزوتا
فكرة التحاور الشعري بينكم كان المستفيد منها نحن القارؤن
تحياتي لكما نتما الاثنين على روعتكما
تحياتي

Mishari يقول...

يه يه يه

الصراحة ابدعتوا
:)
يعطيكم العافية
:)

qesat_5ayal يقول...

الله الله

صارلي زمن ما غندمجت في قصيدة
حتى لو قريتها ، او سمعتها مالها من روحي نصيب

هالمرة غير
يمكن لان كلا الطرفين في هالقصيدة لهم ابداعهم اللي يميزهم

اعجبني واايد

يا الزين
ويا طائر

مشكوورين
;)

Fahad Al Askr يقول...

يا الله ارزقنا

فراوله يقول...

مساالورد والجوري
غاليتي الحبيبة
دائما احاسيسك تصل الي اقصي مدي بالضمير
ولكن هالمره غير
احساسك راقي
واكمل هذا الاحساس
ذلك الطائر الجميل
برقي احاسيسه
دمتم بدفء وعذوبه
ابدا
وبحوارات اجمل وارقي

ZoZOta يقول...

بابل

شكرا لوجودك هنا اليوم

مرورك اسعدنى

ZoZOta يقول...

مكسرات سيد سعد

يا اهلا وسهلا

تحياتى لوجودك الأروع

ZoZOta يقول...

مشاااااااري

يه يه يه

زايرنى اليوم

انت تدري ان زيارتك دايما تسعدنى

صح؟؟

:)

اهم شي ان الكلام عجبك

ZoZOta يقول...

قصة خيال

:)

رايج يهمنى وايد

الحين ارتحت

:*

ZoZOta يقول...

فهد العسكر

:)

اللهم آمين

ZoZOta يقول...

فراوله

وين هالغيبه

كلش مالج حس

فقدتج من غير شر

وزيارتج اليوم عندي بالدنيا

Barrak يقول...

ليست مساجله شعريه
انه عزف متناغم


اعتقد ان هذه القصائد ليست بلا عناون
اخترت لها كلمة عزف

فريج سعود يقول...

مو لاني شايف ان هالكلام الحلو حرام يسمى مساجلة ويذكرنا بشي مو شي بغيتج تسمينها شي ثاني يتساوى مع جمال الكلام
وحقج علي

فتى الجبل يقول...

يسلمو الأيادي

ZoZOta يقول...

براك

عزف

:)

الله يجبر بخاطرك

بس مثل ما قال طائر

هو اجتهاد منا احنا الأثنين

واتمنى ان نكون وفقنا

مشكور يا خوي

ZoZOta يقول...

فريج سعود

افا عليك تمون

وهذي مدونتك وبيتك الثاني

وانت عند اخيتك الزين تدلل وتامر يالشيخ

واللي ما يعجبك نغيره

عطنى اقتراحاتك وانا مستعده

وخاطرك عندنا بالدنيا

بعد شتبي

:)

ZoZOta يقول...

فتى الجبل

يسلم عمرك وغاليك يا رب

mtfa2el يقول...

ابداع من زمان ما شفنا مثله
أشكرج و أشكر الطائر على هذي المساجلة الروعة ...

DiLLi O MiLLi يقول...

هااللـــــه هااللــــه هااللـــه !!!ء

سمفونية خطيتوها بإحساس منتهى الروعة !!ء
أبيات راقية .. من رقي أقلامكم

والفراق .. صعب ومؤلم

قدرت أنساك في وهمي
وفي الواقع تعبت أنساك
قدرت أنساك في بوحي
وفي صمتي ألم ناداك
أنا اللي كنت لك وحدك
وضعت اليوم من بعدك
وسط قلبي نقشت اسمك
ووسط عيني غدت رسمك
أنا بيدي سقيتك حب
وأنا بيدي كسرت الكاس؟!

منقول


دام إحساسُكِ
وسلِمت يداكِ

:)



طائر بلا وطن

أبــــدعت !!!ء

شكراً

:)

ZoZOta يقول...

متفائل

مشكووور يالطيب

وما قصرت

وجودك اليوم يكمل هالإبداع متفائل

وعساه وصل ما ينقطع يارب

ZoZOta يقول...

DiLLi O MiLLi

تدرين شنو اكثر شي مونسنى بالموضوع

انى مؤخرا لاحظت وجودج الشبه دائم ومتابعتج لي

مشكوره من اقصى قلبي

:*

العرزاله يقول...

حرام تنسونا بالمره.. :)

نمرج يبا ليش لا ونبسط عندج بعد انتي تامرين :)

مدونه جميله بالتوفيق

بس على قولة اخوي كويتي الخالده

اذا ممكن تشيلين الفيريفيكيشن مال التعليقات :)

فريج سعود يقول...

على راسي يا الزين
اخجلتيني بكلامج
واخجلتيني اكثر لما لبيتي طلبي
والله صارت احلى
ومشكورة
الحين اقدر اشرب قهوتج
:)

Aldenya يقول...

الله عليكم

مبدعين

أثنينكم


والله مبدعين


قريت بوستج 3 مرات والله

كانت محاورتكم جدا ممتعة وراقية

من كل قلبي أشكركم على هذا الفن الراقي

5roofa يقول...

ًWAAAAAAAAAAAAAAAAAW

صج صج صج مادري شرد شقول يعني مشاالله عليكم ابدعتووووو

والله كلمات ولا احلى سطور و لا اعذب
ردود ولا اقوى

im realy speachless

مشالله عليكم فن

salamz sis...

ZoZOta يقول...

العرزاله

مشكووور ياللى تعنى

ونزورك بالأفراح والليالي الملاح

ونفذنا طلباتك

آمر بعد

:)

ZoZOta يقول...

فريج سعود

يسلم راسك

:)

انت الحين اخجلتنى

:)

وصب قهوة يا ولد

ZoZOta يقول...

الدنيا

مشكوره من اقصى قلبي

كلامج ونسنى حيل

ثلاث مرات.....

انا كل يوم اقراه

:)

ZoZOta يقول...

خرووووفه

يا هلا

شلون ايران بس

بشرى

عسى تعلمتى جم مفرده ايرانيه

الا تعالي شموديج ايران بالله عليج؟؟

aljazy يقول...

مساجله ولا اروع
من جد ابدعتو
كلمات ومشاعر رائعه
ماشاء الله عليكم

دمتم بود (f)

aljazy يقول...

مساجله ولا اروع
من جد ابدعتو
مساجله كلها مشاعر واحاسيس
ماشاء الله عليكم:)

دمتم بود (f)

magnoonah يقول...

يعطيكم العافيه فعلا كلام روعه وصوره رسمت الحب باقوى حالته
الحاله الي اقرب ما تكون معركه مابين ارادة العقل ورغبة الروح وقرار القلب

ما بعد كلامكم كلام
بصراحه اسلوب رووعه وكلام حيييل معبر خصوصا

الا ياكاس الهوى تسكرني في لحظة كنت أنا واعي

زيوون محد يعرف للحب حاله اتوقع انه السكره اكثر تعبير يصوره بوضوح

اما طائر انتي تعرفين رايي فيه كلامه كان وايد حلوو وتعبيره بطريقته الراقيه بالكلام عرف شلون يساير اسلوبج المبدع لانه لا يقل ابداع عنج

تحدي اخوي اهنيكم عليه
تحياتي
:)

ZoZOta يقول...

الجازي

زياره اولي

اشكرك عليها

واتمنى ان تتواصل الزيارات بعدها اذا كنت قد وجدت ما اسعدك عند الزين

شكرا مرة اخري

ZoZOta يقول...

يبتيها صح يا مجنونتى

يبتيها صح

:*